uk pm

बेलायती प्रधानमन्त्री जोनसनद्वारा विश्वासको मत प्राप्त

International News News

The Mirror

बेलायती प्रधानमन्त्री बोरिस जोनसनले विश्वासको मत पाएका छन्। मतदानमा उनले बहुमत सदस्यको विश्वास पाएका हुन्।

कन्जर्भेटिभ पार्टीका १५ प्रतिशत भन्दा बढी हाउस अफ कमन्सका सदस्यहरूले जोनसनप्रति आफूहरूको विश्वास नभएको सूचना दिएपछि अविश्वासको प्रस्तावमाथि मतदान भएको हो।

उनको पार्टी कञ्जरभेटिभका ३ सय ५९ जना सांसदमध्ये उनको पक्षमा २ सय ११ जना सांसदले मतदान गरेका थिए। विपक्षमा १ सय ४८ जना सांसदले मतदान गरेका थिए। उनलाई विश्वासको मत पाउन १ सय ८० मत ल्याए पुग्थ्यो।

आफ्नो पार्टी कन्जरभेटिभका ५४ जना सांसदले माग गरेपछि जोनसनले विश्वासको मत लिएका हुन्। जोनसनविरुद्ध अविश्वास जनाउन कम्तीमा ५४ जना सांसद आवश्यक पर्नेमा ५४ जना सांसदको हस्ताक्षरसहितको पत्र अध्यक्ष ग्राहम ब्रेडीलाई हिजो बुझाएका थिए।

कोरोनाभाइरस रोक्न देशभरि लकडाउन भएका बेला जोनसनको निवास र कार्यालय रहेको ठाउँमा लगातार पार्टीहरू भएको तथ्य बाहिरिएपछि उनी विवादमा परेका थिए। सोही ‘पार्टीगेट’ काण्डका कारण जोनसन बेलायतको प्रधानमन्त्री रहिरहन योग्य नरहेको भन्दै उनको पार्टीका सांसदहरूले अविश्वास प्रस्ताव दर्ता गरेका हुन्।

अब विश्वासको मत पाएसंगै जोनसन प्रधानमन्त्री पदमै रहने भएका छन्।

[ref-setopati]

अन्तमा यो पनि…

Leave a Reply

Your email address will not be published. Required fields are marked *